“Pseudonimi Gucci”, zyrtari kolumbian rrëfen historinë e arrestimit të shqiptarit

Denis Savri ose Denis Kliromani, i njohur me pseudonimin “Gucci”, është një nga shqiptarët i cili u arrestua në Kolumbi me kërkesë të Interpolit.

Kreu i Qendrës Kombëtare për Analizën Kriminale, Hetimin Penal dhe Interpolin, Diego Fernando Leon Suarez tregoi në Review se nuk kishin një informacion të saktë për aktivitetin kriminal të Denisit.

“Autoritetet ndërkombëtare kishin interes të veçantë për arrestimin e tij,” – tregoi Suarez.

Ai shtoi se  janë në dijeni që ka një komunitet shqiptar në Kolumbi. Sipas tij ka njerëz që jetojnë atje komfort ligjeve, siç ka dhe persona të tjerë që janë të përfshirë në aktivitet kriminal.

“Në vitin e fundit kemi realizuar kapjen e 3 personave me origjinë shqiptare. Ne po studiojmë lidhjet që kanë shqiptarët me organizatat kriminale. Megjithatë nuk ka prezencë të strukturave kriminale nga Shqipëria apo Ballkani. Janë thjesht të dërguar që kanë për detyrë të vendosin kontakte për të materializuar trafikimin,” – u shpreh Suarez.

LEXONI GJITHASHTU:

• Ekskluzive| Sa paguajnë trafikantët për 1 kg kokainë në Kolumbi? Zyrtari përgjigjet
• Ekskluzive| Zyrtari i policisë kolumbiane zbulon lidhjet e shqiptarëve me krimin