‘Paga nën nivelin e minimumit jetik’, Spahiu: Në Shqipëri, i detyruar të vjedhësh

Për juristin Kreshnik Spahiu, të punësuarit në Shqipëri, të cilët kanë një rrogë normale, janë të detyruar që të vjedhin, pasi paga që marrin është nën nivelin e minimumit jetik.

Në një intervistë për Euronews Albania, Spahiu nënvizoi se për të siguruar minimumin jetik në vend, duhet të merresh me aktivitete të paligjshme.

“Mendoj që, çdo shqiptar, jo i papunë, por i punësuar me një rrogë normale, është i deturyar të  vjedhë, sepse paga e tyre është nën nivelin e minimumit jetik. Pra, që të mbash sot një familje në Shqipëri, që të sigurosh minimumin jetik të të ushqyerit apo të pagimit të taksave, faturave, dritave, ujit, qirasë, etj, je i detyruar të realizosh aktivitet të paligjshëm, ose të merresh me trafik, ose të merresh me korrupsion, ose të merresh me mashtrime, vjedhje, borxhet të cilat nuk i kthen. Askush nga qeveria nuk i jep shpjegim shqiptarëve, si mund të jetojë një pensionist”, theksoi ai.

LEXONI GJITHASHTU

• ‘2022, viti i mjerimit’, Kreshnik Spahiu: Rama i konsumuar, s’ka çfarë të japë më
• A do të kandidojë për grupimin e Alibeajt? Përgjigjet Shemsi Prençi
• ‘Cili është qëllimi juaj’, Prençi: Çfarë i thashë Alibeajt në takimin në Kamzë