Euronews Albania në banesën e Spartak Dobit, avokatja kërkon largimin e gazetares

Euronews Albania ka qenë në banesën e Spartak Dobit, bashkëshortit të Rozeta Dobit, sanitares e cila kishte vjedhur së bashku me të birin qindra mjëra euro në banesat e zyrtarëve ku pastronte në kryeqytet.

Teksa ishte në raportim, gazetarja Ortensa Budlla ka telefonuar avokaten që përfaqëson nënë e bir.

Kjo e fundit, i ka kërkuar gazetarës që të largohet nga banesa e Spartak Dobit, teksa pretendonte se ajo është futur brenda me forcë.

Nënë e bir, Rozeta Dobi dhe Havier Dobi janë lënë në burg, pasi akuzohen për vjedhjen e mijëra eurove, dollarëve si dhe një sasie aksesorësh floriri në banesën e ish-zyrtares së lartë, Alda Klosi.

Nënë e bir nuk kanë dhënë asnjë deklaratë paar gjyqtarit Arben Micku që udhëhoqi dhe seancën gjyqësore.

Prokurorja e çështjes Mirela Zavalani i ka akuzuar nënë e bir vetëm për vlerën 120 mijë euro të gjetura në shtëpinë e Klosit e jo për paratë që janë gjetur në shtëpinë e Rozeta dhe Havier Dobit.

Zavalani nuk ka ngritur akuza të tjera për 400 mijë eurot e gjetura në aspirator. Alda Klosi ka qenë një zyrtare e lartë, teksa vjedhja në banesën e saj, e cila jetonte bashkë me vajzën, ka ndodhur më 15 dhjetor të vitit 2022.

Ditën e djeshme, në banesën e nënë e bir, u gjetën rreth 405 mijë euro, 8500 dollarë dhe aksesorë floriri pas një kontrolli të ushtruar nga forcat e policisë, që dyshohet se janë vjedhur nga banesa e Klosit.

LEXONI GJITHASHTU

• ‘Do dal nga burgu pas dy muajsh’, letra e Havier Dobit për të dashurën
• ‘Më vjen të vras veten’, letra për babain e djalit të sanitares që vodhi mijëra euro
• Vodhën mijëra euro, përgjimi që fundosi nënë e bir në Tiranë