Çfarë ndodh nëse Berisha fiton gjyqin dhe KQZ-ja ka ende anëtarët e Alibeajt?

Komisioni Qendror i Zgjedhjeve vendosi ndarjen e komisionerëve në KZAZ-të për zgjedhjet lokale të 14 majit. PD do të propozojë 2 anëtarë për çdo KZAZ, me përfaqësues nga grupimi i Enkelejd Alibeaj.

Në një intervistë për Euronews Albania, juristi Ledio Braho deklaroi se edhe nëse gjykata i jep vulën Sali Berishës pas 29 janarit, afati i fundit për regjistrimin e anëtarëve të KZAZ-ve, ata mund të ndërrohen në  çdo moment.

Sipas tij, anëtarët e KZAZ-ve, mund të ndërrohen edhe pas zgjedhjeve të 14 majit, kur KQZ-ja është në proces administrimi të numërimit të votave.

“Anëtarët e KZAZ-ve mund të ndryshohen nga partitë politike çdo çast. Hostoria ka treguar që edhe Partia Socialiste, edhe Partia Demokratike i ndryshojnë anëtarët e KZAZ-ve, anëtarët e KQV-ve deri në momentin e fundit. Edhe gjatë procesit zgjedhor, mund të qëllojë që një parti poltike, dëshiron të zëvendësojë një anëtar KZAZ-je, me një  person  tjetër. Është një procedurë, janë emra individualë.

Kur të marrë vendimin Komisioneri i Zgjedhjeve, do marrë vendimin, në KZAZ-në 32, emërohen si anëtarë KZAZ-je, personat me emër, mbiemër, atësi. Këto persona janë të ndryshueshëm edhe pas zgjedhjeve, edhe pas datës 14, kur KQZ-ja është në proces administrimi të numërimit të votave, mund të ndërrohen anëtarët e KZAZ-ve”, theksoi ai.

LEXONI GJITHASHTU

• KQZ nis përgatitjet për 14 majin, Berisha pa përfaqësim
• Abuzimet me fondet në zgjedhjet e 25 prillit, KQZ gjobit PS-PD dhe disa parti