A i ka votat maxhoranca për amnistinë fiskale? Përgjigjet Taulant Balla

Kreu i Grupit Parlamentar të Partisë Socialiste, Taulant Balla, foli këtë të hënë në lidhje me ligjin për amnistinë fiskale dhe nëse maxhoranca i ka votat e nevojshme për ta kaluar ligjin në parlament..

Në një deklaratë për media, Balla u shpreh se Kuvendi i ka votat të kalojë çdo ligj në parlament përfshirë dhe ndryshimin e Kushtetutës.

Ai theksoi se deputetët e opozitës në momentin që do të lexojnë ligjin edhe mund të bien dakord për ta votuar atë.

“Kuvendi i Shqipërisë i ka votat për të miratuar çdo ligj, i ka votat për të miratuar ligje me 3/5-at dhe 2/3-at që është numri i votave për ndryshimin e Kushtetuës. Nuk është korrekte që unë të shprehem sot pasi deputetët e opozitës ende nuk e kanë lexuar ligjin për amnistinë. Çdo deputet duhet të votojë për atë që mendon dhe atë që i bën mirë vendit. Ligji për amnistinë fiskale i bën mirë ekonomisë së vendit. Mos u nxitoni në konstatimin tuaj të kahershëm se nuk janë votat”, tha Balla.

LEXONI GJITHASHTU:

• Si mund të zgjidhet Avokati i Popullit? Balla: Opozita s’respekton kandidatët e vet
• Avokati i Popullit, parlamenti pritet të hapë këtë sesion të ri thirrjet për aplikim
• Gjiknuri: Avokati i Popullit duhet të jetë një figurë konsensuale dhe jo politike