Akuzohet për ngacmim seksual ndaj dy nxënësve, pezullohet mësuesi në Tepelenë

Mësuesi Kleanth Laçi, 59-vjeç i cili dyshohet se ka ngacmuar seksualisht dy nxënëset është pezulluar nga puna.

Lajmin e ka bërë me dije ministrja e arsimit Evis Kushi në një postim që ka bërë në rrjetet sociale ndërsa shton se nxënëses menjëherë i është ofruar ndihmë nga punonjësit e shërbimit psiko-social dhe gjithashtu drejtoria dhe stafi i shkollës do të vijojnë mbështetjen për vajzën dhe familjen e saj, për ta kapërcyer këtë situatë.

“Besojmë fort se organet e drejtësisë do ta zbardhin shumë shpejt të vërtetën e kësaj ngjarjeje dhe do të marrin vendimet e duhura ligjore. Siç e kemi bërë të ditur edhe më parë, qëndrimi ynë për këto raste është i prerë dhe nëse vërtetohet fajësia, krahas dënimit nga organet e drejtësisë, personat përgjegjës përjashtohen përgjithmonë nga sistemi arsimor.”- tha ajo.

Dy ditë më parë konkretisht më 16 janar policia njoftoi se tre persona kanë dhunuar me sende të forta mësuesin i cili përfundoi në spital.

Sipas asaj që u raportua ka qenë vëllai i nxënëses së bashku me dy të tjerë që e rrahën 59-vjeçarin pasi ky i fundit i kishte ngacmuar seksualisht motrën.

Blutë bën me dije se sot është arrestuar vëllai i të miturës i identifikuar si A. G., 29 vjeç, dhe akuzohet për veprat penale “Plagosja e lehtë me dashje”, kryer në bashkëpunim dhe “Vetëgjyqësia”.

Sakaq në kërkim janë dhe dy personat e tjerë të cilët në bashkëpunim me 29-vjeçarin dhunuan me sende të forta mësuesin.

LEXONI GJITHASHTU: 

• Dhunoi mësuesin me sende të forta, në pranga 29-vjeçari në Tepelenë
• Mandati i Olta Xhaçkës, PD kërkesë Kushtetueses: Çështja duhet të vijë në gjykatë