Dhunoi mësuesin | 29-vjeçari i arrestuar, familjar i një prej nxënësve

Detaje të reja janë zbardhur në lidhje me ngjarjen e ndodhur në Tepelenë, ku një mësues 59-vjeçar u dhunua, pasi dyshohet se ka ngacmuar seksualisht dy nxënëse.

Gazetari i Euronews Albania, Blerim Kole raportoi se 29-vjeçari i arrestuar, ka deklaruar se është familjar i një prej nxënësve.

Mësuesi Kleanthi Laçi është paraqitur me plagë në spital, mëngjesin e datës 17 janar.

“Policia e Gjirokastrës vazhdon ende hetimet. Është mësuesi 59-vjeçar, Kleanthi Laçi i cili dyshohet për ngacmim seksual ndaj dy nxënësve të mitura. Fillimisht, mbrëmjen e datës 16 dhe mëngjesin e datës 17 janar, mësuesi është paraqitur në mjediset e spitalit “Omer Nishani” me plagë.

Pas denoncimit të tij ditën e sotme, mbështetur edhe mbi kallëzimin e tij, policia ka bërë ndalimin e 29-vjeçarit A.G nga qyteti i Tepelenës, i cili dyshohet se bashkë me një grup të rinjsh, në vendin e quajtur “Zona Industriale e Tepelenës”, në datë 16janar, ka dhunuar mësuesin. Pas hetimeve, u zbulua që i ndaluari është shprehur se ishte familjar i një prej nxënësve, e cila dyshohet se është ngacmuar seksualisht nga mësuesi i fiskulturës, Kleanthi Laçi”, theksoi ndër të tjera gazetari.

59-vjeçari është pezulluar nga puna këtë të mërkurë. Lajmin e ka bërë me dije ministrja e Arsimit, Evis Kushi në një postim që ka bërë në rrjetet sociale.

LEXONI GJITHASHTU

• Akuzohet për ngacmim seksual ndaj dy nxënësve, pezullohet mësuesi në Tepelenë
• Dhunoi mësuesin me sende të forta, në pranga 29-vjeçari në Tepelenë