Xhaxhai i Aleks Nikës: Takim konfidencial me Ramën sot, ja çfarë më tha

I ftuar në emisionin Review, në Euronews, ishte këtë të shtunë Mark Nika, xhaxhai i protuestuesit të vrarë gjatë protestës së 21 janarit, Aleks Nika.

Mark Nika u pyet nga gazetarja Jonida Shehu në lidhje me bisedën që kishte patur gjatë takimit me kryeministrin Rama këtë të shtunë, në përkujtimin e 12 vjetorit të protestës së përgjakshme.

Nika tha se nuk kishte folur me kryeministrin në lidhje me audion e re të publikuar nga gazetari Artan Hoxha, ku dëgjohet kreu i Gardës në atë kohë Ndrea Prendi, që të udhëzojë vartësit të mbajnë armët gati.

Nika zgjodhi të mos jepte detaje të hollësishme nga takimi konfidencial me kryeministrin Rama.

Pjesë nga biseda:

Jonida Shehu: Keni qenë në takim kryeministrin, keni folur për këtë provë? Keni pasur komunikim me kryeministrin për këtë provë të re?

Mark Nika: Në komunikim me kryeministri nuk është futur në analizën e provës, pasi nuk është në kompetencën e tij.

Jonida Shehu: Mendova se mund të kishit folur në mënyrë kofidenciale, me shpresë që të zbardhej çështja.

Mark Nika: Kofidenciale është çështje tjetër!

Prokuroria e Shqipërisë falsifikon, ka masakruar dosjen e Aleksit, ajo dosje nuk ka më prova. Nuk na japin asnjë informacion.

LEXO GJITHASHTU:

• Prokuroria vegël e Berishës, xhaxhai i Aleks Nikës: S’kemi shpresë për drejtësi
• Shpërthen Artan Hoxha: Turpi i atyre që vazhdojnë ngushëllimet me karafila
• Fakte të reja për 21 janarin, Artan Hoxha: Ja ku i çova së pari provat