A i paragjykojmë kolegët për veshjen

Përshtypjet e para për pamjen e jashtme kanë rëndësi, veçanërisht në zyrë, por a mund të marrim një mendim të sinqertë nga kolegët?! Ne të gjithë në një moment apo në një tjetër jemi treguar kritikë, duke gjykuar kredencialet e veshjeve të zyrës dhe ne të gjithë nisemi nga pamja e jashtme.

Falë zhvillimit të industrive të modës, vitet e fundit ka më shumë opsione të veshjeve të punës sesa kurrë më parë. Aq sa shpesh zyrat shndërrohen në një “sfilatë” për një fashionista, me gjithçka, nga xhinset te lëkurat, sportive e klasike, me taka apo me atlete. Ekspertët e modës por edhe psikologët thonë se të veshurit mirë na ndikon shumë edhe në mënyrën se si ne ndihemi gjatë kohës që qëndrojmë në punë.

Përveç atyre që kanë mundësi dhe dëshirë që të vishen bukur, janë edhe ata të tjerët që nuk e vrasin mendjen nëse veshjet janë apo jo në modë por vishen ashtu siç ndihen ose me stilin e tyre. Ka njerëz që frustrohen nga shikimet e të tjerëve, sikurse ka edhe nga ata që veshjen nuk e kanë prioritet aspak.

LEXONI GJITHASHTU: 

• I frymëzuar nga karantina dhe emigrantët, “Sheets” merr 2 çmime në Trieste
• Test me vezën në studio, profesori: Ka 4-5 ditë që e ka bërë pula