Deputetja: Ne mirëpritëm planin franko-gjerman, Kurti e zvarriti

Deputetja e Aleancës për Ardhmërinë e Kosovës, Time Kadriaj tha në një intervistë për Euronews Albania se në kohën e propozimit të planit franko-gjerman, ata e mirëpritën dhe ishte kryeministri Albin Kurti ai që e zvarriti.

“I kemi thënë që është një bazë e mirë për të filluar për të diskutuar për planin franko-gjerman sepse në të kanë qenë të përfshira të gjitha marrëveshjet dhe asnjëherë nuk është thënë që asociacioni do të negociohet veç. Veprimet e fundit të fundvitit të kaluar kur zoti Kurti filloi i vetëm, pa konsultim me opozitën apo faktorin ndërkombëtar duke zbatuar marrëveshjen për targa prodhuan një situatë ku u cenua dhe sovraniteti dhe integriteti i Kosovës, por u cenua dhe siguria e Kosovës,” – u shpreh Kadriaj.

Ajo theksoi se ishin Shtetet e Bashkuara të Amerikës ato që ndërhynë për normalizimin e situatës, ndërsa shtoi se ndezja e një konflikti në Ballkan nuk i shërben Kosovës.

LEXONI GJITHASHTU:

• Vuçiç në Kuvendin e Serbisë: Ja pika më problematike në propozimin për Kosovën
• Kurti tregon kushtet për të pranuar asociacionin