Celibashi: Ja për çfarë do i informoja votuesit e mi nëse do isha në politikë

Kryekomisioneri Shtetëror i Zgjedhjeve, Ilirjan Celibashi thotë se nëse do të ishte i angazhuar politikisht, do t’i sqaronte votuesit se çfarë Këshilli Bashkiak dhe ku është dallimi ndërmjet kryetarit të bashkisë dhe Këshillit Bashkiak.

Në emisionin “Barometri” në Euronews Albania, Celibashi u shpreh se edhe palët politike kanë interes që votuesit shqiptarë ta dinë se çfarë roli ka Këshilli Bashkiak.

“Nëse do të isha i angazhuar politikisht, do të kisha interesin që t’u sqaroja votuesve, se çfarë përfaqëson Këshilli Bashkiak dhe ku është dallimi ndërmjet kryetarit të bashkisë dhe Këshillit Bashkiak.

Edukimi fillon që në kopsht dhe na muingon në fakt në tërësi, si shoqëri, aspekti edukativ, institucional i votuesve me procesin zgjedhor. Pra edhe palët politike kanë një interes që shqiptarët ta dinë si votohet dhe çfarë roli ka Këshilli Bashkiak”, theksoi ai.

LEXONI GJITHASHTU

• Celibashi: Informimi për votimin për Këshillin bashkiak nuk është detyrë e KQZ
• Gerta Meta: Në zonat rurale votojnë burrat për gratë
• E dinë shqiptarët si votojnë? Celibashi: Pse sondazhet e Barometrit i shërbejnë KQZ