Rënia e ashensorit me 2 persona në Tiranë, habit ISHMT: Shkak mbingarkesa

Inspektorati Shtetëror i Mbikëqyrjes së Tregu, ISHMT t ka reaguar pas aksidentit të ndodhur mbrëmjen e djeshme në Tiranë ku një çift bashkëshortësh u plagosën pas rrëzimit të një ashensori.

ISHMT bën me dije se ashensori ka pësuar defekt gjatë funksionimit të tij në kushtet e mbingarkesës me një numër më të madh personash, përtej ngarkesës nominale.

Sipas ISHMT, ashensori nuk ishte i regjistruar pranë Inspektoratit Shtetëror të Mbikëqyrjes së Tregut.

“Referuar legjislacionit të kësaj fushe, personi përgjegjës mbi funksionimin e ashensorit (ndërtuesi ose administratori i pallatit) ka detyrimin ligjor për të bërë regjistrimin e tij. Por në rastin konkret nuk ka një aplikim pranë ISHMT-së për regjistrim, ndërkohë që ashensori ka qenë në funksionim që nga viti 2012. Nga ana e personave përgjegjës (ndërtuesi ose administratori i pallatit) për këtë ashensor nuk ishte kryer ndonjëherë vlerësimi i konformitetit (certifikimi) nga një Organ i Miratuar për Vlerësimin e Konformitetit (OMVK)”, thuhet në njoftimin e ISHMT.

Një çift bashkëshortësh u plagosën një natë më parë, pasi ashensori ku ata kishin hipur, në zonën e Unazës së Re u rrëzua nga kati i pestë në katin zero.

LEXONI GJITHASHTU:

• Bie ashensori me njerëz brenda në pallatin në Tiranë
• Vëzhgim i Euronews Albania| Qytetarët të pasigurt kur përdorin ashensorin