Rama: Brenda disa javësh paga minimale 40 mijë lekë

Kryeministri Edi Rama ka bërë me dije se brenda disa javësh paga minimale do të shkojë 40 mijë lekë.

Në një takim me studentët ai konfirmoi se nuk do të ketë pagë më të ulët se kaq, as në sektorin publik, as në atë privat.

“Dua t’ju them një sekret se jemi këtu midis nesh dhe mbase është gjëja e duhur për të ndarë me ju përpara fjalëve të tjera të rastit që paga minimale shumë shpejt do të shkojë në 40 mijë lekë. Kur them shumë shpejt domethënë çështje javësh dhe do të aplikohet për të gjithë. Nuk duam të kemi pagë më të ulët se 40 mijë lekë qoftë në sektorin publik, qoftë edhe atë privat,” – deklaroi Rama.

Kryeministri shtoi gjithashtu se me këtë mekanizëm pretendojnë se brenda dy viteve paga minimale do të shkojë 45 mijë lekë.

LEXONI GJITHASHTU:

• Rritet në mënyrë dramatike numri i viktimave në Turqi dhe Siri
• “Kurti e Rama i përdorin shqiptarët për interesat e tyre”, thotë kryetari Preshevës