“Bulmetet nuk do shtrenjtohen”, fabrikat kërkojnë formalizim të sektorit

Qumështi dhe bulmetet e ambalazhuar që përpunohen në vend, nuk do të shtrenjtohen. Lajmi vjen nga drejtuesit e fabrikave, të cilët mohojnë që të kenë marrë vendim për rritje të çmimeve pas datës 15 shkurt.

Nuk do të ketë rritje të çmimeve të qumështit dhe nënprodukteve të tij. Lajmin e bën të ditur, shoqata e përpunimit të qumështit, në emër të 8 kompanive që operojnë në vend.

Shoqata e bën këtë njoftim, për të përgënjeshtruar informacionet që kanë qarkulluar ditët e fundit në media për rritje të çmimeve nga pas datës 15 shkurt. Ndërkohë, shpreh edhe kërkesën për uljen e nivelit të informalitetit.

Sipas INSTAT, në vendin tonë prodhohet 1 milion tonë qumësht çdo vit, ndërkohë që fabrikat grumbullojnë vetëm 115 mijë tonë.

LEXONI GJITHASHTU:

• Shkodër| Çmimi i energjisë i papërballueshëm, rritet dhe çmimi i druve
• Ulet sërish çmimi i naftës, sa do të tregtohen karburantet