Kurti: Çfarë më ka pëlqyer mua në propozimin franko-gjerman

Kryeministri i Kosovës Albin Kurti ka folur këtë të diel në emisionin Review në Euronews Albania në lidhje me propozimin e planit franko-gjerman për normalizimin e marrëdhënieve me Serbinë.

Në intervistën e dhënë për gazetaren Jonida Shehu, Kurti theksoi se e pranoi propozimin franko-gjerman pasi pëlqen në të faktin se është i bazuar mbi vlera evropiane dhe universal.

Ai theksoi se nevojitet edhe një raund i ri negociatash për të arritur në marrëveshjen finale.

Pjesë nga intervista:

Jonida Shehu: Cfarë ka hap pozitivë në këtë marrveshje?

Albin Kurti: Kjo marrëveshje e propozuar nga BE dhe nuk bëhet dot marrëveshje pa u bërë edhe një raund negociatash nuk është marrëveshje finale.

Jonida Shehu: Pra mund të themi propozimi fillestar?

Albin Kurti: Padyshim mbase ai është emërtimi më i mirë. I ka 5 fjali preambulë dhe i ka 10 nene. Ajo çfarë mua më ka pëlqyer menjëherë në këtë tekst është fakti që është propozim evropian dhe demokratikë dhe është propozim i cili thirret në koncepte universale. Dekada me përplot dialog përpara se unë të bëhem kryeministër ishte një dekadë e cila për nga fryma e marrëveshjeve që realizoheshin në Bruksel por nuk zbatoheshin aq në Kosovë e Serbi ishte e ideologjisë së zgjidhjes së problemit. Pra ke një problem le ta konsiderojmë si fort të veçantë dhe le të përpiqemi ta zgjidhim me këtë rast ajo bëhej gjithnjë e më komplekse me një oqean të hollësive që bënte ta humbet çdo qytetarë për përmbajtjen. Tash kemi një propozim dy faqesh i dendur, me terma endogjenerike mirëpo konceptet janë universale sikur pavarësia, sovraniteti, integriteti territorial, sundimi i ligjit, vetëvendosja, demokracia, të drejtat e njeriut, paqja, siguria. Le të themi tullat mbi të cilat ndërtohet kjo godinë e këtij propozimi kanë karakter universal, jo të veçantë e partikular e madje sigluar për rajonin e Ballkanit. Ta zëmë më herët thuhej në gjykatën e apelit këtu duhet të jetë serb, në atë anë të lumit komandanti duhet të jetë serb këtej shqiptarë. Pra krijoheshin zgjidhje të cilat ishin shumë specifike dhe të pa qëndrueshme universalishtë.

LEXONI GJITHASHTU: 

• A do të takohet me Vuçiçin? Kurti: Vetëm në kontekstin e planit evropian
• Kurti analizon marrëdhëniet me Shqipërinë: Mund të bëjmë më shumë
• “5 vendet e BE-së të njohin Kosovën”, Kurti thirrje ndërkombëtarëve që të ndërhyjnë