Anëtari i Këshillit Kombëtar të PD: Tirana nuk po na mbështet për protestat

Anëtari i Këshillit Kombëtar të Partisë Demokratike, Blendi Sulaj thotë se në protestat e organizuara më parë nga kjo forcë politike, ka pasur një mbështetje të madhe nga njerëzit në kryeqytet, diçka që kohët e fundit nuk është më e dukshme.

Në emisionin “Now” në Euronews Albania, Sulaj u shpreh se nëse fitohet Bashkia e Tiranës, është një hap i rëndësishëm për fitimin e zgjedhjeve të ardhshme parlamentare.

“Vendi i protestës ka një rëndësi shumë të madhe. Protestat që ne bënim më përpara na mbështeste shumë kryeqyteti, na mbështeste shumë Tirana. Protestat më të mëdha që ne kemi bërë, na ka mbështetur jashtëzakonisht Tirana.

Tirana është lokomotiva më e madhe. Ti mund të fitosh zgjedhjet kundra Ramës në të gjitha bashkitë e vendit, por po fitove zgjedhjet në Tiranë, ti ke fituar zgjedhjet e ardhshme parlamentare”, theksoi ai.

LEXONI GJITHASHTU

• Berisha dhe Meta bëjnë protesta për të mbetur në opozitë, thotë Kajsiu
• Gazetari-Klevis Balliut: S’keni asnjë vizion, kush janë kandidatët për zgjedhjet?
• “Kjo është pengesa e vetme e opozitës”, Martin Leka: Si mund të “shkundet” Edi Rama