Frankfurti pret Napolin, italianët synojnë një tjetër sukses në Champions League

Pas një faze grupesh të përmbyllur në mënyrë perfekte, Napoli kërkon kalimin në çerekfinale të Uefa Champions League.

Italianët ndeshen me Frankfurtin në Gjermani, teksa të dyja skuadrat nuk kanë luajtur asnjëherë ndaj njëra-tjetrës në këtë kompeticion. E vetmja herë kur është shënuar kjo përballje italo-gjermane është në vitin 94. Asokohe Frankurti mposhti në Europa League napoletanët.

Napoli po zhvillon një ndër sezonet më pozitive në historinë e klubit, teksa në kampionat duket se i ka mbyllur llogaritë sa i përket titullit kampion, duke u shkëputur ndjeshëm nga vend i dytë.

Në anën tjetër, Frankfurti renditet i 6-ti në Bundesligë ndërsa mposhti Verderin në fundjavë.

Raspadori është mungesa e vetme për trajnerin Spaleti, ndërsa Frankfurti synon rikthimin e mesfushorit Rode. Gjykimi i është besuar 43-vjeçarit portugez Artur Suarez Diaz. Skuadra italiane shihet si favorite për fitimin e përballjes.