Meta ashpërson tonet nga dyert e SPAK: Nuk kam asnjë lidhje me çështjen CEZ-DIA

Kryetari i Partisë së Lirisë Ilir Meta mbajti një deklaratë për mediat pas daljes nga Prokuroria e Posaçme.

Ai bëri me dije se ishte thirrur si person që ka dijeni për çështjen CEZ-DIA.

Sipas Metës ai nuk ka asnjë lidhje me marrëveshjen e nënshkruar dhe nuk ka asnjë dokument që ai të ketë favorizuar këtë kompani.

“Jam përgjigjur me shumë qetësi si një deklarues që mund të ketë dijeni për rrethana të caktuara

Kam dhënë sqarime shteruese që në vitin 2015 që është hapur kjo çështje, pasi një kolegeje tuaj tentoi të manipulonte të dhënat e Arbitrazhit në Vjenë.

Së pari Ilir Meta nuk ka asnjë lidhje me procesin e privatizimit të CEZ-it, pasi ka qenë në opozitë atë kohë. Ilir Meta nuk ka asnjë lidhje me CEZ-DIAN. Pasi marrëveshja është bërë kur Ilir Meta ka qenë ministër Ekonomie. Gjatë 4 muajve që kam qenë ministër CEZ-i nuk ka përfituar asgjë nga qeveria, përkundrazi kemi qenë në debate të vazhdueshme. Së dyti në dhjetor pasi ERE mori një vendim që në gjykimin tonë favorizonte CEZ-in në raport me KESH-in, ministria e ka kundërshtuar këtë vendim”, tha Meta.

LEXONI GJITHASHTU: 

• A keni frikë për ndonjë firmë që mund t’iu çojë në burg? Përgjigjet Meta
• Meta akuza të forta: Ja kush dha urdhër që të thirresha në SPAK
• U mor në pyetje nga SPAK, Meta: S’ekziston asnjë dokument që të kem favorizuar dikë