Mbyllet protesta e PD-së pas dy orësh, Berisha: Mirënjohje për çdo qytetar

Pas dy orësh është mbyllur protesta e opozitës e zhvilluar para kryeministrisë.

Protesta është mbyllur menjëherë sapo kreu i PD-së Sali Berisha ka mbajtur fjalën në podium. Fjalime u mbajtën dhe nga Ilir Meta dhe Flamur Noka.

Qindra protestues u mblodhën sot në bulevard ndërkohë një pjesë tjetër protestuan para Gjykatës, aty ku po merret vendimi për vulën e PD-së.

Sakaq Beisha në prononcim për mediat në seli u shpreh se protesta ishte e jashtëzakonshme dhe se tejkaloi çdo parashikim.

“E jashtëzakonshme. Në të gjitha kushtet, tejkaloi çdo parashikim timin. Protesta tejkaloi çdo parashikim edhe njëherë një mirënjohje shumë të thellë për të gjithë ata dhjetëra mijëra qytetarë që lanë çdo gjë dhe e mbushën në orën 12:00 bulevardin si kurrë ndonjëherë në të njëjtën orë në historinë e këtij vendi, misionarë të jashtëzakonshëm.
E kam thënë, nuk kam ndërmend të bëjë asnjë diskutim paraprak për gjykatën. Këto i kishim për Edi Ramën. Për ne, armik numër 1 është Edi Rama. Ky është revolucion. Edhe Ramizi qëndroi ca kohë, por në fund e hoqën me votë. Asnjë koment nuk kam për gjersa gjykata. Edhe njëherë, ne jemi në revolucion, do të vazhdojmë revolucionin. Protestën e radhës do ta vendosim, shumë shpejt. Gjyqin nuk e komentoj, edhe mbrëmë kam qenë në emision dhe nuk e kam komentuar. Kush i solli mish për top protestuesit, kush i solli? Edi Rama duhet të ishte në burg për 21 janarin, ka dokumenta të pakontestueshme. Nëse ne shpallim një shkrim, audiopërgjim pa u dëgjuar kurrë zë. Ishte totalisht falsitet dhe kjo qe arsyeja, është një vepër e Ardi Veliut.”- tha ai.
Kaq.

LEXONI GJITHASHTU: 

• Spahiu për protestën: Më e ftohta që kam parë! Mirë që erdhën nga Kukësi e Tropoja
• Pas mbylljes së protestës së Berishës, Operacionalja “rrethon” Gjykatën e Apelit