Duleviç: Drejtoritë e ujësjellësve e shpërdorojnë energjinë dhe nuk e paguajnë

Eksperti i energjisë, Azmer Duleviç tha në një intervistë për “Good morning Albanians” në Euronews Albania se drejtoritë e ujësjellësve janë ato që e shpërdorojnë më shumë energjinë.

Jo vetëm kaq, por sipas ekspertit këto drejtori nuk janë të rregullt as me pagesat e faturave.

“Institucioni shtetëror që e shpërdoron më tepër janë drejtoritë e ujësjellësve në të gjithë vendin dhe janë debitorët më të mëdhenj të energjisë elektrike, pra që nuk e paguajnë energjinë elektrike, ose e vonojnë pagimin e energjisë elektrike,” – u shpreh Duleviç.

Në vitin 2022 në Shqipëri, më shumë “kursimtarë” kanë rezultuar bizneset, të cilat sipas të dhënave të fundit të Institutit të Statistikave tregojnë se konsumatorët jo familjarë kanë konsumuar 9,9% më pak energji.

Por edhe familjet shqiptare kanë kursyer energji gjatë 2022-shit. Përdorimi i energjisë elektrike nga konsumatorët familjarë u ul me 0,5%. Por jo vetëm konsumi ka pësuar rënie, pasi mungesa e shirave dhe prurjeve në lumenj solli edhe ulje të prodhimit të energjisë me 21,9%.

LEXONI GJITHASHTU:

• Çfarë ndodhi?! Eksperti: Asnjë i gjobitur për mungesën e kursimit të energjisë
• Eksperti: Aktualisht Shqipëria e prodhon vetë 100 % energjinë elektrike