Çfarë ndodhi?! Eksperti: Asnjë i gjobitur për mungesën e kursimit të energjisë

Eksperti i energjisë, Azmer Duleviç tha në një intervistë për “Good morning Albanians” në Euronews Albania se asnjë person nuk u gjobit për kursimin e energjisë.

“Asnjë person nuk është gjobitur. Çfarë do të thotë? Kjo ngre dyshime se nuk ka funksionuar sepse të paktën në të gjithë vendin tonë nuk besoj se të gjithë institucionet e kanë plotësuar masën 15% të kursimit të energjisë elektrike, pra në momentin që ne nuk kemi asnjë person i cili mund të jetë gjobitur patjetër që kjo ngre hije dyshimi për të gjithë nismën,” – u shpreh Duleviç.

Më herët u mor vendimi për aplikimin e një gjobe në rast se bizneset nuk ulnin konsumin e energjisë.

Në vitin 2022 në Shqipëri, më shumë “kursimtarë” kanë rezultuar bizneset, të cilat sipas të dhënave të fundit të Institutit të Statistikave tregojnë se konsumatorët jo familjarë kanë konsumuar 9,9% më pak energji.

Por edhe familjet shqiptare kanë kursyer energji gjatë 2022-shit. Përdorimi i energjisë elektrike nga konsumatorët familjarë u ul me 0,5%. Por jo vetëm konsumi ka pësuar rënie, pasi mungesa e shirave dhe prurjeve në lumenj solli edhe ulje të prodhimit të energjisë me 21,9%.

LEXONI GJITHASHTU:

• Eksperti: Aktualisht Shqipëria e prodhon vetë 100 % energjinë elektrike
• Shqipëria në vitin 2022| Bizneset konsumuan 9,9% më pak energji, familjet 0,5%