Kush është “pianistja fluturuese” që promovon natyrën

Ajo njihet si “pianistja fluturuese” dhe është një artiste shumë e veçantë e njohur jo vetëm në Greqi por edhe në vende të tjera.

Ditët e fundit xhiron e mediave greke e kanë bërë pamjet e veçanta në peizazhin e bukur natyror të Kosturit në një aktivitet të organizuar nga bashkia e këtij qyteti me pianisten e njohur greke Elena Xydia.

Ajo i bie pianos në mes të liqenit të Kosturit, mbi një platformë të posaçme lundruese. Aktiviteti u zhvillua në kuadër të përpjekjes për promovimin e trashëgimisë kulturore dhe natyrore të qytetit dhe Xidia ka krijuar një spektakël të mrekullueshëm së bashku me regjisorin Paschalis Mantis.

Kjo nuk është hera e parë që artistja e shpalos talentin dhe artin e saj në natyrë me performanca që rrallë herë i kemi parë.

1 vit më parë pianistja fluturuese i ra pianos mbi luginën e Tembit në Thessali në një përpjekje nga autoritetet vendase për të shfaqur në mënyrë të jashtëzakonshme e të veçantë trashëgiminë natyrore të Greqisë.

LEXONI GJITHASHTU:

• Violinisti Tedi Papavrami: Qëkur isha 20 vjeç kam të njëjtin bashkëpunëtor në piano
• Dorëzohet piano e vjedhur, karabinierët italianë në Shqipëri