Indrit Sefa dorëzon në KQZ kërkesën për regjistrimin e PD-së në zgjedhjet lokale

Përfaqësuesi ligjor i grupimit të Enkelejd Alibeaj ka mbërritur në KQZ, ku ka depozituar aty kërkesën për regjistrimin e PD-së në zgjedhje.

Ky veprim ishte paralajmëruar më herët nga avokati, ku fill pas vendimit të gjykatës për vulën ai deklaroi se tashmë i hapej rrugë regjistrimit të PD-së zyrtare.

Në dalje të tij nga KQZ, Sefa tha se ky është thjesht një veprim procedurial, të cilin e bëjnë të gjitha subjektet politike.

“Nuk e kuptoj se pse ka interes kur është një veprim procedurial. Është praktikë e përcaktuar në kod. Kjo është një praktikë e ndjekur nga të gjitha partitë”, tha ai.

Kujtojmë se Gjykata e Apelit, vendosi të premten që të mos ia kalonte vulën e PD-së ish-kryeministrit Berisha, duke pranuar ankimimin e Alibeajt dhe rikthimin e çështjes në Shkallën e Parë.

LEXONI GJITHASHTU:

• Berisha mbledh Këshillin Kombëtar: 2 pengje i shërbyen Ramës për vulën
• Gazetari: Ja si Berisha mund të hyjë në zgjedhjet lokale