Gazetari i Euronews Albania, Ardit Hoxha ka treguar dy variante që Sali Berisha mund të përdorë për t’u regjistruar në zgjedhjet lokale të 14 majit.

Në emisionin “Review”, Hoxha u shpreh se varianti i parë është që Berisha të dalë në koalicion me Partinë e Lirisë të Ilir Metës, por edhe me parti të tjera opozitare.

Varianti tjetër, është dalja e kandidatëve të Primareve si të pavarur, por sipas Hoxhës, kjo nuk pëlqehet nga Berisha.

“Pak a shumë, i sqaroi edhe zoti Berisha të dyja variantet kryesore të cilat po diskutohen. Zërat më të shumtë gjatë mbledhjes së Kryesisë, por në informacionet që kam unë, edhe gjatë mbledhjes së Grupit Parlamentar, janë për krijimin e një koalicioni me Partinë e Lirisë, apo dhe me parti të tjera me të cilat zoti Berisha ka raporte.

Dalja në koalicion me Partinë e Lirisë dhe me disa parti të tjera është varianti kryesor që po diskutohet dhe preferenca e shumicës së anëatëve të Kryesisë dhe të deputetëve që morën pjesë në Grupin Parlamentar sot. Varianti tjetër, por më pak i mbështetur në këto dy mbledhje, dalja e kandidatëve të Primareve në mënyrë të pavarur, zoti Berisha nuk e ka pëlqyer shumë”, theksoi ai.

LEXONI GJITHASHTU

• “Skandaloze”, deputeti demokrat kundër koalicionit me Ilir Metën
• “Berisha babai ynë politik”- Sula: I vetmi që mund të bëjë bashkimin e PD-së
• Nxehen tonet mes demokratëve, Kraja-Dash Sulës: Kush është kryetari i PD-së?