Nxehen tonet mes demokratëve, Kraja-Dash Sulës: Kush është kryetari i PD-së?

Deputeti i Partisë Demokratike, Dashnor Sula ka debatuar me Akil Krajën, këshilltarin e Sali Berishës, në lidhje me situatën e brendshme të kësaj force politike dhe se kush e drejton selinë blu.

Në emisionin “Review” në Euronews Albania, Kraja e pyeti Sulën se kush është aktualisht kryetari i PD-së.

Sula u përgjigj se PD-ja është pa kryetar dhe për të, ky është një turp.

Akil Kraja: Nuk e ka në dorë Sali Berisha bashkimin. Ai e ka bërë detyrën e tij.

Dashnor Sula: Nëse nuk e ka Berisha kush e ka?

Akil Kraja: Më thuaj kush është kryetari i PD-së? Ti nuk thua se kush është kryetari i PD-së.

Dashnor Sula: Më shiko mirë, po ta them, PD-ja sot është pa kryetar dhe ky është një turp. Po unë jam nga ata burra që i them gjërat siç janë se nuk jam peng as i Ramësm as i Berishësm as i Metës dhe as i Bashës. Unë jam nga ata që i them oligarkët me emra nuk jam i shitur.

Akil Kraja: Hajde thuaja bazës këtë, atyre që të kanë voturar.

Dashnor Sula: Unë ua kam thënë e ua them dhe i përfaqësoj denjësisht. Më vjen keq që PD-ja është në këtë gjendje dhe e keni çuar në këtë gjendje.

LEXONI GJITHASHTU

• “Alibeaj s’mund ta refuzojë”, deputeti Sula sqaron propozimin për bashkimin e PD-së
• Berisha: Nesër dorëzojmë në KQZ të gjitha dokumentet për regjistrimin në zgjedhje
• Berisha mbledh deputetët, ashpërson tonet për vulën: I përket anëtarëve të PD-së