“Alibeaj s’mund ta refuzojë”, deputeti Sula sqaron propozimin për bashkimin e PD-së

Deputeti i Partisë Demokratike, Dashnor Sula ka dhënë propozimin e tij për bashkimin e Partisë Demokratike në zgjedhjet lokale të 14 majit.

Në emisionin “Review” në Euronews Albania, Sula u shpreh se kandidatët e Primareve të Sali Berishës, duhet të regjistrohen me logon e Partisë Demokratike, që tanimë e ka Enkelejd Alibeaj, pas vendimit të djeshëm të Gjykatës së Apelit.

“Kam thënë, për mua le të ishte te ishte te doktor Berisha, te Komisioni i Rithemelimit. Por kemi një tjetër realitet. Nuk ka rëndësi fare vendimi i Gjykatës.

Të gjithë kandidatët e Primareve të cilët unë i kam mbështetur më përpara, të regjistrohen të gjithë te Partia Demokratike. I ka shanset zero që ta refuzojë”, theksoi ai.

LEXONI GJITHASHTU

• Berisha: Nesër dorëzojmë në KQZ të gjitha dokumentet për regjistrimin në zgjedhje
• Berisha mbledh deputetët, ashpërson tonet për vulën: I përket anëtarëve të PD-së