Berisha mbledh deputetët, ashpërson tonet për vulën: I përket anëtarëve të PD-së

Ish-kryeministri Sali Berisha mbajti këtë të shtunë një mbledhje me Grupin Parlamentar të Partisë Demokratike, ku në fokus të diskutimeve ishte vendimi i gjykatës mbi vulën e PD-së.

Berisha tha se vyla është anëtarëve të partisë Demokrtike, duke marrë si shembull dhe marrjen e selisë nga ish-kreu i PD Lulzim Basha.

“Me këtë proces politik, Edi Rama hoqi çdo maskë, ai është i tmerruar nga PD-ja dhe forca e saj. Ai mund të bashkëjetojë vetëm me një fasadë opozitë, një fasadë opozitë e cila i nënshtrohet, pranon të poshtërohet, një fasadë opozitës të cilës i ka marrë peng kryetarin, të cilës i jep urdhra, me të cilën mashtron publikun shqiptar.

Asnjë opozitë tjetër, ai nuk mund të tolerojë asnjë opozitë të vërtetë. Edhe njëherë, vendimi tre ditë para mbylljes së regjistrimeve është dëshmia më flagrante e frikës së tmerrshme që e ka kapur atë nga PD-ja.

Ne pra jemi para një situate të cilën e kemi parashikuar, se ky është një vendim i paralajmëruar, nga vetë Taulant Balla në parlamentin shqiptar, i paralajmëruar nga Olta Xhaçka e cila i tha ambasadorit të një miku të Edvinit, një javë para që gjykata ka vendosur që vulën të ua japë vasalë, veglave apo shërbetorëve të Edvinit, të ua heq anëtarësisë, të ja heqë PD-së dhe të ja japë Edvinit.

Edi Rama një vit e gjysmë më parë, i dha Lulzim Bashës, bravën dhe brava i ngeli në derë të shtëpisë së tij, përsëri vula do të ngelet në turpin më të madh të tij, sepse vula është e anëtarëve të PD-së”, tha Berisha.

LEXO GJITHASHTU:

• E zbulon këshilltari i Berishës: Si do të regjistrohemi në zgjedhjet e 14 majit
• E zbulon këshilltari i Berishës: Si do të regjistrohemi në zgjedhjet e 14 majit
• Gazetari: Ja si Berisha mund të hyjë në zgjedhjet lokale