Deputeti i Partisë Demokratike, Dashnor Sula është shprehur kundër një koalicioni të kësaj force politike me Partinë e Lirisë të drejtuar nga Ilir Meta, për zgjedhjet e 14 majit.

Në emisionin “Review” në Euronews Albania, Sula u shpreh se kjo do të ishte skandaloze dhe se do të krijoheshin dy parti të majta.

Sipas Sulës, kandidatët e dalë nga Primaret e Sali Berishës, duhet të kandidojnë me logon e Partisë Demokratike.

“A është Partia Demokratike aty? Këtë nuk e kuptoj. Partia Demokratike është aty. Të gjithë kandidatët e Primareve të kenë logon e Partisë Demokratike. Po e shkatërroni me duart tuaja, do kemi dy parti të majta. Nuk do kemi Parti Demokratike, do ikin të gjithë te LSI-ja”, theksoi ai.

LEXONI GJITHASHTU

• “Berisha babai ynë politik”- Sula: I vetmi që mund të bëjë bashkimin e PD-së
• Nxehen tonet mes demokratëve, Kraja-Dash Sulës: Kush është kryetari i PD-së?
• “Alibeaj s’mund ta refuzojë”, deputeti Sula sqaron propozimin për bashkimin e PD-së