OBSH: 4,5 mln njerëz verbohen nga glaukoma, kush është i rrezikuar

5-11 mars është Java Botërore e Sëmundjes së Glaukomës.

Glaukoma (tensioni i syrit) konsiderohet si një sëmundje e rëndë e syrit, e cila karakterizohet me dëmtimin e nervit optik dhe ngushtimin e pamjes vizive. Tensioni i lartë i syrit është një nga shenjat e glaukomës.

Një person mesatarisht ka një shans 2.3% për të zhvilluar glaukoma, të afërmit e shkallës së parë (F.D.R.s) të pacientëve të prekur përballen me një rrezik në rritje deri në 10 herë më shumë. Si rezultat, edukimi i F.D.R-ve për rëndësinë e zbulimit të glaukomës, i cili përfshin një vlerësim të nervit optik, mund të ndihmojë në parandalimin e shumë rasteve të reja.

Glaukoma besohet të jetë shkaku i verbërisë në 4.5 milionë individë, sipas OBSH-së. Glaukoma është shkaku kryesor i verbërisë së përhershme në Indi, duke prekur rreth 12 milionë njerëz dhe duke lënë 1.2 milionë të verbër. Në nivel komuniteti, më shumë se 90% e rasteve të glaukomës mbeten të padiagnostikuar. Megjithëse dihet pak për parandalimin e glaukomës, zbulimi dhe trajtimi i hershëm është metoda ideale për të shmangur verbërinë e lidhur me glaukomën.

Glaukoma prek mbi 2% të popullsisë mbi 40 vjeç.

Simptomat dhe fillimi i tyre janë shumë të ndryshme në tipat e glaukomave.
Glaukoma me kënd te hapur quhet ndryshe edhe “hajduti i heshtur i të parit”. Në këtë formë të glaukomës, humbja e shikimit ndodh gradualisht, ngushtohet fusha vizive nga periferia. Ndërsa dëmtimi përparon ju mund të zbuloni se keni humbur zona të konsiderueshme të pamjes tuaj periferike dhe më tej të asaj qendrore. Nëse glaukoma nuk trajtohet ajo mund të sjellë humbjen e shikimit. Pacienti nuk ndien dhimbje apo shqetësime të tjera, gjë që bën që pacienti ta kuptojë dëmtimin e të parit vetëm në faza shumë të avancuara të sëmundjes.

DISA NGA FAKTORËT E RISKUT JANË:
Dikush në familjen tuaj vuan nga glaukoma
Jeni me diabet

Keni përdorur rregullisht dhe për një kohë të gjatë kortizonikë
Jeni dëmtuar më parë në sy
Jeni mbi 45 vjeç

LEXONI GJITHASHTU:

• Mjekja: Glaukoma sëmundja që i merr shikimin pacientëve pa e kuptuar
• A ka lidhje tensioni i gjakut me atë të syrit? Mjekja okuliste sqaron pacientët