“E donte punën, qe i lumtur”- Varroset mes lotësh makinisti, i pranishëm Mitsotakis

Është mbajtur këtë të martë ceremonia mortore e makinistit 35-vjeçar Spyros Voulgaris, i cili drejtonte trenin komercial që u përplas në aksidentin në afërsi të Larisas.

Mes lotësh, familjarët, miqtë dhe të afërmit e 35-vjeçarit përcollën për në banesën e fundit njeriun e tyre të dashur.

I pranishëm në ceremoni ka qenë dhe kryeministri grek Kyriakos Mitsotakis.

Familjarët e kujtojnë makinistin si një njeri të dashur dhe të rregullt. Në deklaratat e para pas ngjarjes nëna e tij tha se 35-vjeçari e donte punën e tij dhe e bënte me përkushtim atë.

“Ai e donte punën e tij, dilte gjithmonë i lumtur. Gjithmonë thoshte “mami po iki, do të të telefonoj kur të shkoj atje, mos u shqetëso, gjithçka është në rregull”. Më kishte përmendur disa probleme, por më thoshte që kishte kujdes.  Për aksidentin e mora vesh në orën 1:30 të mëngjesit. Shkova për të fjetur dhe ndeza televizorin. Pashë aksidentin e trenit që po shkonte në Selanik  “fëmija im është brenda”, bërtita. Isha përgatitur për më të keqen”, deklaroi nëna e tij.

LEXONI GJITHASHTU:

• “Ndjesë”- Zbërthehet drejtuesi i stacionit në Larisa: E nisa si punëtor krahu dhe…
• Kolegët i sjellin çantën e shërbimit, varroset mes lotësh zjarrfikësi dhe e dashura
• Me nderime ushtarake, pamjet nga varrimi i studentes shqiptare në Greqi