Fotografon të panjohurit në rrugë. Brian Hoxha kujton personazhin e parë

Fotografi Brian Hoxha i ftuar në “Good Morning Albania” ka kujtuar momentet e para që nisi t’i bënte fotografi njerëzve të panjohur nëpër rrugët e Tiranës. Një nga personazhet e parë që atij i është ngulitur në mendje ishte një vajzë me flokë të kuqe dhe lëkurë të bardhë në qendër të Tiranës.

“Personazhi i parë që i kam folur ishte një vajzë flokëkuqe, me flokë të gjatë, lëkurë shumë të bardhë e sytë shumë të çelur. Ishte në qendër të Tiranës, po priste dikë më duket. Në atë moment ishte vetëm po të ishte me dikë tjetër nuk do shkoja se do më vinte pak siklet.

Unë fillimisht i sigurova disa foto kur nuk e kishte mendjen, se mos nuk pranonte. Pastaj shkova.  Atëherë ishte më e vështirë se nuk më njohin. Tani më thonë ai I “dritëhijes”. Por kisha aparatin në dorë dhe po sigurohesha që të dukej. I thashë, vajza ishte shumë solare ,shumë pozitive, por kishte turp. I thash ta provonim dhe po mos të pëlqejnë i fshijmë”-tha për Euronews Albania fotografi Brian Hoxha.

LEXONI GJITHASHTU:

• Zaimi: Personat me Sindromën Down nuk duhet të trajtohen sikur po bën bamirësi
• Escobar: Marrëveshja e Ohrit ka detyrime, nënshkrimet nuk kanë rëndësi