Kallëzoi Sali Berishën/ Taulant Balla thirret në GJKKO, gazetari sjell detaje

Kyetari i Grupit Parlamentar të Partisë Socialiste, Taulant Balla është thirrur këtë të enjte në Gjykatën e Posaçme (GJKKO).

Gazetari i Euronews Albania, Eni Ferhati raportoi se Balla u thirr pasi ka kallëzuar ish-kryeministrin Sali Berisha dhe zëdhënësen e PD, Floriana Garo për shpifje, pasi ata kanë deklaruar se është i përfshirë në vrasjen e avokatit Ravik Gura në Elbasan.

Berisha dhe Garo nuk u paraqitën në seancë.

“Kreu i Grupit Parlamentar socialist, Taulant Balla është paraqitur në Gjykatën e Posaçme lidhur me një proces gjyqësor për një padi për shpifje që zoti Balla ka depozituar për Sali Berishën dhe Floriana Garon, të cilët i akuzon se ka shpifur me deklaratat se Balla është i përfshirë në vrasjen e avokatit Ravik Gura në Elbasan, një ngjarje kriminale që po hetohet nga SPAK.

Senaca e kaluar është shtyrë. Nuk dihet se çfarë ka ndodhur gjatë kësaj seance. Zoti Balla, gjatë një prononcimi i shkurtë për mediat tha se as Sali Berisha dhe as Floriana Garo të cilët ai i ka paditur për shpifje, nuk janë paraqitur në gjykatë. Nga ana tjetër, zoti Balla shtoi se ashtu si fitoi gjyqin për shpifje me Lulzim Bashën, do e fitojë me  Sali Berishën dhe Floriana Garon”, raportoi gazetari Ferhati.

LEXONI GJITHASHTU

• Kanosi nënën e tij me thikë, arrestohet 33-vjeçari në Lushnje
• Hurma e Arabisë, ja pse është e rëndësishme për të hapur Iftarin