Berisha: Ahmetaj të bëhet i penduar, të tregojë si i bëri presion Rama

Sali Berisha ka thënë për mediat, se Arben Ahmetaj tashmë ka mundësinë që të bëhet i penduari i drejtësisë. Sipas Berishës, ai duhet të tregojë për presioni që i ka bërë Edi Rama si kryeministër për të firmosur.

Ish-kryeministri Berisha tha se koka e meduzës është vetëm Edi Rama, ndërsa Ahmetaj ka përgjegjësinë se ka bërë soditësin, kur të tjerët vidhnin.

“Zoti Ahmetaj ka një shans që të bëhet i penduari i drejtësisë dhe si i penduari i drejtësisë , zoti Ahmetaj ka mundësinë të thotë se çfarë presioni i ka bërë Edi Rama për të firmosur. Ti tregojë prokurorisë çdo gjë dhe do të ndihmojë në një hetim ku shqiptarët do të marrin vesh shumë gjëra të vërteta. Është autor absolut, kryetar i organizatës kriminale është vetëm Edi Rama.

Edi Rama i ka diktuar atij, me forcën dhe presionin më të madh të firmosë. Kreu i meduzës është Edi Rama, Ahmetaj nuk mund të kalonte kurrë mbi vendimin e agjencisë kombëtare të prokurimeve publike në të cilën thuhet se është e paligjshme, atë e bëri Edi Rama me Erjon Veliajn. Arben Ahmetaj është i përzier, se ka bërë soditësin, vidh ti Erjon, unë të shikoj po s’po përzihem”-tha për mediat Sali Berisha.

LEXONI GJITHASHTU:

• Borrell: Do të ndjekim nga afër zbatimin e marrëveshjes së Ohrit
• “Gërdeci”, shtyhet seanca paraprake për Mediun në GJKKO, flet Zamira Durda