Diplomati gjerman: Pala kosovare dhe serbe, të detyruar për zbatimin e marrëveshjes

Diplomati gjerman, Joakim Ryker komentoi për “Balkan Talks” në Euronews Albania, marrëveshjen e Ohërit që u firmos mes palës kosovare dhe asaj serbe.

Sipas tij, e vetmja gjë që ngelet tashmë është besimi se marrëveshja e firmosur do të zbatohet.

“Po, idealisht një marrëveshje pas Brukselit do të duhej te ishte firmosur; jam dakord me këtë. Gjithsesi, e kemi konfirmimin nga Josep Borell dhe nga lehtësuesi i Bashkimit Europian, që palët janë të zotuara ndaj kësaj marrëveshjeje dhe ndaj zbatimit të saj. Do të thosha që ndërkohë, nëse s’vërtetohet ndryshe, duhet të kemi të gjithë besim në lidhje me hapat e mëtejshëm dhe në lidhje me zbatimin,” – u shpreh Ryker.

Ai shtoi se bëhet fjalë për një marrëveshje “politikisht detyruese”.

LEXONI GJITHASHTU:

• Borrell: Do të ndjekim nga afër zbatimin e marrëveshjes së Ohrit
• Liderët e BE-së do t’u kërkojnë Kosovës dhe Serbisë ta zbatojnë marrëveshjen e Ohrit