Kane njeriu i rekordeve, Ronaldo udhëheq Portugalinë, fitore dhe për Italinë

Mbrëmjen e së dielës janë zhvilluar 8 përballje në kuadër të kualifikueseve të Europianit të 2024-ës ku ekipet favorite nuk zhgënjyen.

Portugalia e Cristiano Ronaldos, pas rikthimit të yllit të Al Nassr në kombëtare ka shpërthyer përballë Luksemburgut, duket triumfuar me rezultatin 0-6. Kjo është fitorja e dytë për luzitanët të cilët në ndeshjen e parë mposhtën Lihtenshtejnin 4-0.

Edhe Anglia e Italia morën fitore në përballjet respektive me bomberin Harry Kane i cili tashmë është golashënuesi më i mirë në historinë e kombëtares angleze, me 55 gola të shënuar. Në fitoren e së dielës ndaj Ukrainës 2-0 nuk mund të mungonte as goli i Bukayo Saka.

Italia rrëmbeu fitoren e parë në grup, ku pas humbjes ndaj 3 luanëve, mposhti Maltën 2-0, ku protagonist ishte sërish sulmuesi 23-vjeçar Retegui.

Zhgënjimi i mbrëmjes ishte Danimarkë, e cila u mposht me përmbysje nga Kazakistani 3-2. Fitore regjistruan dhe Islanda, Sllovenia, Finlanda e Sllovakia. Kualifikueset e Evropianit do të vijojnë dhe për 2 ditë të tjera, ku mbrëmjen e së hënën në fushë zbret kombëtarja shqiptare.

LEXONI GJITHASHTU:

• Zbulohet oferta e çmendur për Messin nga Arabia, më e lartë se ajo e Ronaldos
• Pas kritikave, Ronaldo dërgon avionin me ndihma për të prekurit nga tërmeti