Alarm në polici, dyshime për tritol ndaj “të fortit” në Pogradec

Një person ende i paidentifikuar ka vendosur gjurmues poshtë automjeteve të një shtetasi në qytetin e Pogradecit.

Ngjarja ka ndodhur në lagjen 2, rreth orës rreth orës 03:30 një person i dyshimtë afrohet drejt dy makinave të shtetasit Eris Çekanit dhe vendos sende të dyshimta.

Burime bëjnë me dije se ka qenë roja i prokurorisë që ka lajmëruar policinë, pasi ka vënë re një shtetas duke u shtrirë përtokë e duke vendosur diçka poshtë makinës.

Fillimisht është dyshuar për eksploziv, ndaj është sjellë nga Tirana grupi i shpërthimeve të kontrolluara. Pas kontrollit të xhenierëve ka rezultuar se nuk është tritol, por një aparat GPS.

Mjeti është në pronësi të shtetasit Eris Çekani, i cili kohët e fundit ka pasur disa konflikte me shtetas të tjerë në Pogradec, ku më i fundit ishte aksidenti kokë më kokë në Elbasan.

LEXONI GJITHASHTU:

• A do të arrestohet Ahmetaj? Ish-prokurori: Ja faktet që janë mbledhur prova konkrete
• Me “Arrest në shtëpi”, i forti arrestohet në Kapshticë duke hyrë në Shqipëri