Balluku: ‘Ballkani i hapur’ shpejton reformat, nuk e cenon procesin e Berlinit

3 Prill 2023 | 16:07

Ballkani i Hapur nuk zëvendëson Procesin e Berlinit. Për zv/kryeministren Belinda Balluku, bashkëpunimi në rajon, i jep hov Shqipërisë për të realizuar më shpejt reformat.

Shqipëria ka ecur me hapin e duhur për të realizuar reforma të rëndësishme për integrimin. Për zv/kryeministren Balluku, procesi i Berlinit i ka shërbyer si urë nxitëse për të zbatuar ato.

“Kryesimi i Procesit të Berlinit është jo vetëm një tregues i rolit kyç që Shqipëria ka në rajon, por mbi të gjitha një vlerësim për punën e qeverisë shqiptare, për të çuar përpara  proceset, reformat dhe projektet në të gjithë sektorët jetikë.”- tha Balluku

Por, krijimi i Ballkanit të Hapur ka ngjallur debate për devijimin e politikës dhe ekonomisë shqiptare nga Procesi i Berlinit i hartuar në 2014-ën, për të cilin Balluku ka këtë përgjigje.

“Gjatë gjithë zbatimit të procesit të Berlinit që ka të bëjë me financimet e buta, proceset e tejzgjatura, të cilat detyrimisht kanë kërkuar nga ne një instrument për të përshpejtuar këtë proces. Qeveria shqiptare pa të arsyeshme krijimin e  një aleanca që është aleanca e Ballkanit të Hapur.”- shtoi ajo.

Deklarata  e zv/kryeminstres u bë në kuvend, aty ku u mblodh këshilli kombëtar për integrimin europian, për të diskutuar rrugën e vendit drejt anëtarësimit në BE.

LEXONI GJITHASHTU: 

Home Kryefaqja
Shiko në: YouTube
Lajme të Sugjeruara

E rëndë në Kavajë, u godit me thikë nga vëllai, humb jetën një person

Një ngjarje e rëndë ka ndodhur mbrëmjen e kësaj të mërkure në Kavajë, ku një 74-vjeçar ka humbur jetën pasi dyshohet se është goditur me...
21:37 | 24/06/2026

Pas tubimit para Kryeministrisë, protestuesit marshojnë në rrugët e kryeqytetit në ditën e 25-të të protestës

Kjo e mërkurë shënon ditën e 25-të të protestave në Tiranë, ku qytetarët, si çdo ditë, u mblodhën në sheshin “Skënderbej” dhe më pas marshuan...
21:23 | 24/06/2026

Begaj mesazh për protestat: E drejta për t’u shprehur duhet të ushtrohet në pajtim me Kushtetutën dhe ligjin

Presidenti i Republikës, Bajram Begaj, ka reaguar për herë të parë lidhur me protestat që po zhvillohen në Tiranë, duke theksuar se e drejta e...
20:11 | 24/06/2026