Aksident me vdekje në Fier, viktima ende i paidentifikuar

Një aksident i rëndë ka ndodhur mbrëmjen e kësaj të enjte pranë vendit të njohur si “Kthesa e Patosit” në Fier.

Një automjet tip “Benz”, i cili drejtohej nga një 63-vjeçar, ka goditur për vdekje  një person shte duke udhëtuar me biçikletë. viktima mendohet të jetë rreth moshës 50 vjeç, por ende nuk dihet identiteti i tij.

“Rreth orës 20:30, në vendin e quajtur “Kthesa e Patosit”, automjeti tip “Benz” me drejtues shtetasin A. A., 63 vjeç, ka përplasur një shtetas rreth 50 vjeç, ende të paidentifikuar, i cili ishte duke udhëtuar me biçikletë.

Si pasojë e përplasjes, drejtuesi i biçikletës ka ndërruar jetë, ndërsa shtetasi A. A. u shoqërua në ambientet e Policisë, për kryerjen e veprimeve të mëtejshme procedurale.

Grupi hetimor po punon për përcaktimin e shkaqeve të aksidentit dhe identifikimin e shtetasit që ka ndërruar jetë”,-thuhet në njoftimin e policisë.

LEXONI GJITHASHTU:

• Makina del nga rruga, plagoset pasagjerja
• Beqiri shigjeton Boden: Ka përgjegjësi si ish-ministër Financash, lejoi privatizimin
• Protestuesit në Paris i vënë flakën restorantit të preferuar të presidentit Macron