Fermeri Çakalli: Jo gjithmonë në portal është çmimi real i produktit

Të premten Kryeministri Edi Rama dhe ministrja e Bujqësisë dhe Zhvillimit Rural, Frida Krifca prezantuan në Tiranë, Portalin e Fermerit.

Fermeri Alban Çakalli tha për “Good morning Albanians” në Euronews Albania se jo gjithmonë në portal është çmimi real i produktit.

“Deri tani, para se të hapej portali, kemi informuar fermerët për abuzimet që bëjnë pikat e mëdha tregtare në lidhje me çmimet që ua blejnë fermerëve dhe kjo është diçka që ne e kemi kërkuar gjithmonë. Është shumë vonë në fakt, edhe ajo çfarë është bërë nuk është portal i plotësuar plotësisht. Besoj që do të plotësohet në vazhdim, por ajo që më lind dyshimi është se me çfarë baze dhe kush i vendos këto çmime? Duhen disa rregulla ligjore që çmimet të përcaktohen duke ditur dhe kostot që kanë fermerët dhe në bazë të atij çmimi të vendosen dhe çmimet e shumicës,” – deklaroi Çakalli.

Portali i Fermerit është një tjetër produkt i revolucionit digjital, që mundëson informacion në kohë reale mbi tregjet, çmimet, analizat ushqimore, skemat aktive të mbështetjes dhe instrumentet e financimit, kujdesin veterinar, ofertën e farmacive bujqësore, tipologjinë e grumbulluesve, mundësitë e tokave me qira, legjislacionin në fuqi e shumë informacione të tjera, duke iu bërë krah fermerit në jetën e tij të përditshme.

LEXONI GJITHASHTU:

• Furrat shqiptare shesin bukë “bio”! Ekspertët: Mashtrim, nuk ka bukë të tillë
• Amvisat i hedhin kripën bukës duke e matur me sy, nutricionistja: Nuk gabojnë