Qumësht pa hormone? Eksperti Sinani tregon pse është e pamundur të prodhohet

Eksperti i industrisë ushqimore, Abdyl Sinani tregoi në një intervistë për “Good morning Albanians” në Euronews Albania se qumështi ka hormone për shkak të injektimeve të ndryshme që i bëhen lopëve.

Sipas tij është e pamundur që të prodhohet qumësht pa hormone.

“Lopës kur sëmuret i bëjnë antibiotikë. Kur themi hormone janë dhe antibiotikët dhe këto e japin direkt në qumësht. Puna e parë që bëjnë teknologët për të marrë qumështin është të pyesin nëse lopës i janë bërë antibiotikë. Nëse lopa ka marrë antibiotikë detyrimisht edhe me qumështin duhet vepruar ndryshe,” – u shpreh Sinani.

Ka disa studime që tregojnë se qumështi mund të jetë i rrezikshëm për shëndetin. Njerëzit nuk duhet të pinë qumështin e kafshëve, veçanërisht pas moshës së ushqyerjes me gji (pas foshnjërisë). Trupi i njeriut zakonisht fillon të humbasë aftësinë e tij për të tretur laktozën pas foshnjërisë në një proces të njohur si malabsorbimi i laktozës.

LEXONI GJITHASHTU:

• Eksperti: Korça dhe Gjirokastra prodhojnë qumështin më të mirë në Shqipëri
• Kujdes! Qumështi i fshatarit na rrezikon më shumë se ai i dyqanit