E kam puthur djalin tim në buzë dhe pse dikur isha kundër, stilistja flet hapur

Stilistja Enxhi Valteri tregoi në një intervistë për “Good morning Albanians” në Euronews Albania se e ka puthur djalin e saj në buzë edhe pse dikur ka qenë kundër.

Sipas saj të gjithë prindërit duhet të tregohen pak më tolerantë me këtë gjest, i cili në thelb tregon dashurinë për fëmijët.

“Megjithatë, unë personalisht…djali im është 6 vjeç, por kur ka qenë rreth 2 vjeç më ka puthur vetë në buzë dhe unë fillimisht kisha këtë kompleksin me veten, mos është gabim nga ana psikologjike, mos ai do të bëhet posesiv ndaj meje, mos ka atë figurën time gjithë kohën. Megjithatë vendosa me veten time se s’kemi pse ta kemi kaq strikte këtë gjënë dhe mund të jemi pak më tolerantë,” – u shpreh Valteri.

Puthja e fëmijëve në buzë i ndan prindërit në dy grupe: ata që e shohin si krejt normale që një prind të puthë fëmijën e tij në buzë dhe grupi i dytë, që e kundërshton në mënyrë kategorike një gjest të tillë.

Ekspertët thonë se në moshën 2-3 vjeçare fëmija e percepton veten si të ndarë nga prindërit dhe ata si të veçuar nga njëri-tjetri, si dhe fëmijët nga të rriturit. Kështu në këtë moshë, puthja e fëmijës në buzë mund të sjellë konfuzion.

LEXONI GJITHASHTU:

• Puthja e fëmijëve në buzë, gabim apo shenjë dashurie?
• Nëna: Më plas shpirti për fëmijët, nuk kam mundësi as t’i kuroj