“Emri im le të jetë rrugeve, rëndësi ka shitja” Begaj rrëfen të pathënat e “Erzenit”

Si u vendos emri i kompanisë “Erzeni”? Isuf Begaj, themeluesi i saj tregon për emisionin “Real People”, se i vuri kompanisë emrin e njërit prej djemve, pasi u konsultua edhe me fëmijët e tjerë. Nga ai moment, produktet “Erzeni” shpërndahen kudo, edhe jashtë Shqiperisë.

“Unë te tatim taksat, më pyetën si do ja vendosim emrin dhe u thashë mbiemrin tim Begaj. Më tha ajo që është një firmë Begaj në Berat, nuk mendoni një emër tjetër se do ngatërohemi. Dhe fillova unë të thosha emrat me radhë e me radhë dhe thashë dhe emrin e djalit Erzeni. Asaj i tingëlloi mirë, Erzeni. I thashë unë po do më zemërohen djemtë e tjerë, po jo më tha ajo. Dhe kështu ndodhi. Kur erdha unë i thashë Erzenit që i vendosa emrin, ai më tha se mos i ngelej qejfi vëllezërve. I pyetëm dhe ishin dakord.

Mos të ngelet qejfi i thashë se kanaçet e kosit dhe bideonat do t’i gjesh rrugëve dhe mos të thonë “Erzeni njeriu i rrugëve”. Ai më tha ta marrin sa më shumë klientët pa le ta kem emrin rrugëve”, tha ai.

LEXO GJITHASHTU:

• Historia e Isuf Begaj: Gruaja më nxiti, që vetëm me 1 lopë, të ngrinim një perandori
• Pronari i “Erzenit” rrëfen vështirësitë: Në fillim i çoja produktet me kalë në Berat