UEFA me sytë nga Juventusi, bardhezinjtë mund të dënohen

Problemet për skuadrën e Juventusit duket se nuk kanë fund edhe pse vetëm pak ditë më parë u njohën me lajmin e mirë. 15 pikët iu rikthyen torinezëve, por duket se ende asgjë nuk është e sigurt sa i përket fatit të kësaj skuadre. Sipas asaj që raporton Gazeta Delo Sport, Juventusi rrezikon të dënohet dhe nga UEFA.

Qeveria europiane e futbollit pret vendimin prfundimtar nga drejtësia italiane në lidhje me plusvalencat, aty ku çështja është sërish duke u hetuar dhe nuk përjashtohen dënimet. Pak ditë më parë, koilegji garantues vendosi që ti kthente bardhezinjve 15 pikë, por vendimi nga gjykata federale e apelit nuk ka ardhur ende, ndaj ky fakt ngre pikëpyetje tek UEFA.

Këta të fundit kanë hapur një hetim për të njëjtën çështje, ku nëse konfirmohet gjithçka, Juventusi nuk do të ketë të drejtë të marrë pjesë në kompeticionet europiane për një periudhë të caktuar kohore. Aktualisht renditet në vendin e tretë me 59 pikë, ndërsa vijon garën me Milanin, Interin, Lazion dhe Romën

LEXONI GJITHASHTU:

• Juventusi në krizë, Milan dhe Interi bëjnë detyrën. Napoli i pandalshëm
• Juventusit i kthehen 15 pikë, ndryshon tabela e Seria A pas gjyqit të bardhezinjve