Paralajmëron Nisma Thurje: Do çojmë në SPAK këdo vjedh votat tona

Kryetari i Nismës Thurje, Endri Shabani tha në “Now me Erla Mëhillin” se taktika që po përdor Rama gjatë kësaj fushate është një lloj profetësie vetpërmbushëse.

Shabani u shpreh se ata persona që duan të votojnë forcat e reja, sipas Ramës as nuk duhet të dalin  nga shtëpia, pasi me logjikën e tij, ata nuk do të fitojnë dhe vota për ta nuk ka kuptim.

“Ne kemi marrë pjesë në disa zgjedhje. Në 2021-shin ishin vota për parlamentin ku lufta ishte shumë më e fortë sepse bëhej fjalë për pushtetin politik, pra kush do bëhej kryeministër. Pavarësisht kësaj ne kemi marrë me shumë seriozitet çdo votues në Nismës Thurje dhe kemi qëndruar aty deri në momentin e fundit. Ka pasur shumë pak raste të manipulimit të votës gjatë procesit të numërimit. I kemi çuar në SPAK, ato janë hetuar, është zgjidhur ajo punë.

I gjithë procesi është i monitoruar. Praktikisht, sot problemi nuk është te numërimi, është te blerja e votës. Çdo votues i Nismës Thurje do të numërohet, për këtë të jeni të sigurt,” – u shpreh Shabani.

LEXONI GJITHASHTU:

• Kujt ja merr votat Arlind Qori dhe Endri Shabani? Ja çfarë mendon Dorian Kodra
• “Është ezmer”| Shabani: Rama me këto do merret, s’ka ide politike