“Mos votoni si tifoz”, Rama në Malësinë e Madhe: Më 14 Maj, punësoni më të mirët

Kryeministri Edi Rama ishte këtë të diel në Malësinë e madhe për të prezantuar kandidatin e Partisë Socialiste Tonin Marinaj. Ai tha ndër të tjera se dikur, kur pushtetin e kishte Partia Demokratike në Malësinë e Madhe nuk kishte rrugë, e as ndriçim, ndërsa tani ka ndryshuar.

Kryeministri premtoi se së shpejti nëse do zgjidhen sërish në krye të malësisë së madhe, do të filloj edhe dhënia e titujve të pronësisë për të gjithë ata që kanë dakordësi për pronën. Më tej ai shtoi se nuk ka arsye që Malësia e Madhe të ndryshojë drejtim pasi sipas tij, para se ata të merrnin pushtetin kazanët e mbeturinave nuk dukeshin nga plehrat, ndërsa tani kjo gjë ndodh vetëm në Shkodër.

“Në Malësi të Madhe nuk kishte rrugë për të ardhur, nuk dihej në ishe në fshat apo në qytet. Ne kemi bërë një ligj të veçantë, un bashkë me Paulinin. Ne do japim gjithë titujt e pronësisë të gjithë atyre komuniteteve që nga 91 nuk  kanë pranuar ligjin e ndarjeve të pronave, por kanë dakordësi për pronën.

Kjo do dojë, kohë, nuk është e lehtë sepse në zyrat tona ka plot xhakadur. Por edhe me ta do ndahemi, siç po i merrni të gjitha dokumentet në e-Albania. Duhet edhe vetëm pak durim. Për ç’arsye duhet që Malësia e Madhe të ndërroj drejtim? Nuk më durojnë dot mua, le të më pushkatojnë me telekomandë.

Vota nuk është tifozllik, por është të marrësh në punë atë që do të shërbejë për katër vite. Mua këtu më kujtohet kazani që s’dukej nga plehrat. Atë kazan tani e gjen vetëm në Shkodër, nuk e gjen në asnjë bashki tjetër. Po a ia vlen të mbash kazanin vetëm sepse ti je tifoz?”,-tha Rama.

LEXONI GJITHASHTU:

• Kultivoi 80 fidanë kanabis, 16-vjeçari procedohet në gjendje të lirë
• Biden “tallet” me moshën e tij: Para Rupert Murdoch unë dukem si Harry Styles