Kultivoi 80 fidanë kanabis, 16-vjeçari procedohet në gjendje të lirë

Një 16-vjeçar i dyshuar se kultivuesi i 80 fidanëve të bimës narkotike kanabis, është kapur dhe është lënë procedohet në gjendje të lirë për shkak të moshës.

Ngjarja ka ndodhur në fshatin Koplik i Sipërm, ku u gjetën nga kontrolli i imtësishëm me dron,  80 fidanë të dyshuar narkotikë kanabisi, të kultivuar në kubikë.

“Në vijim të goditjeve të njëpasnjëshme që në gjenezë, të tentativave për kultivim të bimëve narkotike, si rezultat i kontrollit të imtësishëm të territorit, nga toka dhe ajri, me dron, bazuar dhe në inteligjencën informative, shërbimet e Policisë kanë konstatuar në lagjen Gjuraj, në fshatin Koplik i Sipërm, në një zonë të pyllëzuar, 80 fidanë kanabisi të kultivuar në kubikë, të cilët u asgjësuan me anë të djegies dhe një pjesë e tyre u sekuestrua në cilësinë e provës materiale.

Nga veprimet e shpejta hetimore paraprake, specialistët për Hetimin e Krimeve të Komisariatit të Policisë Malësi e Madhe bënë të mundur identifikimin dhe kapjen e autorit të dyshuar të këtij rasti, konkretisht të një 16-vjeçari, ndaj të cilit nisi procedimi në gjendje të lirë, për shkak të moshës.

Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme”, thuhet në njoftimin e policisë.

LEXONI GJITHASHTU:

• Dronët “i nxjerrin zbuluar” ndërsa po kultivonin kanabis, në kërkim 2 persona
• Biden “tallet” me moshën e tij: Para Rupert Murdoch unë dukem si Harry Styles