Bejko takim me gratë e vajzat: Rimbursojmë 100% kredi strehimi për disa kategori

Gratë dhe vajzat e Tiranës kanë qenë në fokusin e kandidatit të Partisë Demokratike, Roland Bejko këtë fillim jave.

Bejko premtoi më shumë mbështetje për nënat kryefamiljare dhe çiftet e reja, të cilave do ju mundësojë rimbursim 100 % për kreditë për strehim.

“Do të japim kredi 100 % do tua rimbursojë kredinë bashkia për strehimin. Do të jenë në listën prioritare për të marrë apartament, banesë e cila është absolutisht jetike, sepse ne do t’iu marrim firmave të ndërtimit bashkia dhe sot e ka me ligj që duhet t’iu marrë 3% për strehimin, ndërkohë bashkia e merr në para të gjithë, nuk e merr në objekt. Ne do ta marrim një pjesë në para, një pjesë në objekt”, tha Bejko.

Bejko kishte edhe një thirrje për demokratët dhe koalicionin Berisha-Meta.

“Ky është momenti që ne t’ju themi demokratëve të gënjyer nga Sali Berisha dhe Ilir Meta mos i ndiqni më nga mbrapa. I braktisni ata sepse Sali Berisha është duke nënshkruar testamentin politik që atë pjesë që i ka shkuar me vete, t’ia lërë familjes Meta”, u shpreh Bejko.

LEXONI GJITHASHTU:

•  “E ka harruar periferinë”, Bejko akuza Veliajt: I shpenzon lekët tuaja me koncerte
• Bejko me biznesin në Tiranë: Do të krijojmë 3 zona të lira ekonomike