Si vendos elektorati shqiptar? Sociologia: Të rinjtë votojnë figurat inovatore

Sociologia Eris Dhamo tha se të rinjtë nuk shpenzojnë shumë kohë për të lexuar programet elektorale.

E ftuar në Euronews Albania ajo tha se të rinjtë janë më inovatorë, sipas saj ata nuk shpenzojnë kohë për të lexuar programet e partive dhe edhe pse sondazhi thotë ndryshe, ajo tha se dyshon që të rinjtë të kenë lexuar këto programe. Sipas saj të rinjtë votojnë figurat më inovatore dhe përkrahin ndryshimet

“Nëse më duhet të ndaj sipas grupmoshave nga 18 deri në 80 të cilin ju e keni identifikuar, në moshë të re, po i referohem moshës 18, të rinjtë e kësaj moshe janë më inovator. Nuk ndalojnë të lexojnë programe, nuk ndalojnë të analizojnë personalitete, janë shumë pak të ndjeshëm ndaj programeve.

Janë shumë pak të ndjeshëm ndaj rritjes apo uljes së taksave, sepse edhe nëse janë në marrëdhënie pune, nuk marrin të ardhura të mjaftueshme që rritja apo ulja e taksave t’i ndikojë.

Ata votojnë çdolloj figure inovatore dhe janë përkrahësit e parë të ndryshimeve, kështu që nuk besoj se ndikohen shumë, megjithëse ne them se ndikon programi, dyshoj se të rinjtë i njohin programet e partive”,-tha sociologia Dhamo.

LEXONI GJITHASHTU:

• Goditen lojërat e fatit në Elbasan, arrestohet në flagrancë 53-vjeçari
• Atentat me bombë shkrimtarit nacionalist rus, Moska fajëson SHBA-të dhe Ukrainën