Goditen lojërat e fatit në Elbasan, arrestohet në flagrancë 53-vjeçari

Një 53-vjeçar është arrestuar në Elbasan pasi është kapur në flagrancë duke vënë baste sportive me anë të aparatit celular.

Policia bën me dije se në pranga ka rënë P. M., 53 vjeç, banues në Elbasan, pasi në një lokal në lagjen “Luigj Gurakuqi”, Elbasan, u kap nga shërbimet e Policisë, ndërkohë që po vinte baste sportive me celular.

Gjithashtu, nisi procedimi në gjendje të lirë për shtetasin M. M., 26 vjeç, administratori i këtij lokali, për veprën penale “Vënia në dispozicion e lokaleve për lojëra të palejuara”.

Po nga këta specialistë u referuan materialet në Prokurori dhe nisi procedimi në gjendje të lirë për shtetasin E. B., 38 vjeç, banues në Elbasan, për veprën penale “Fshehja e të ardhurave”, pasi gjatë kontrollit të ushtruar në kuadër të operacionit, ka rezultuar se fshihte të ardhurat e përfituara nga subjekti (lokali) i tij.

Në cilësinë e provës materiale u sekuestruan 2 aparate celulare.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU: 

• Tentuan të kalonin kufirin, me dokumente të falsifikuara, procedohen 2 iranianë
• Vrau në banesë 51-vjeçarin në Shkodër, lihet në burg Lekë Vuksani