Gerta Gixhari: Artistët po i kthejnë borxhet Veliajt, kanë bërë koncerte

Gazetarja Gerta Gixhari tha për “Review” në Euronews Albania se pjesëmarrja e artistëve në fushatë lidhet drejtpërdrejtë me borxhet që këta të fundit i kanë kryetarit të bashkisë.

Sipas Gixharit, Erion Veliaj iu ka mundësuar koncertet dhe përdorimi i imazhit të tyre para zgjedhjeve të 14 majit është një formë shpërblimi.

“I gjithë opinioni publik ka nevojë për besueshmëri dhe nga ana tjetër nuk i gjykoj absolutisht të gjithë këngëtarët që përfaqësohen në fushatat elektorale sepse në një farë mënyrë, këngëtari ka nevojë për publikun që të këndojë dhe në një farë mënyre është duke ia kthyer atë reston, ose shpërblimin kryetarit aktual të bashkisë së Tiranës sepse po ta vëmë re, të gjithë artistët që janë përfshirë dhe kanë dhënë mesazhe për Tiranën, janë artistë që kanë qenë shumë aktivë në të gjitha koncertet gjatë mandatit të Veliajt,” – u shpreh Gixhari.

LEXONI GJITHASHTU:

• Berisha njofton datën dhe orën e mbylljes së fushatës elektorale
• KQZ sqaron vonesën e shpërndarjes së parave të fushatës për partitë